შეიარაღებული არასახელმწიფო აქტორების ჩართვა ქვეითსაწინააღმდეგო ნაღმების აკრძალვაში

1. მიზნები

•              კავკასიის ქვეითსაწინააღმდეგო ნაღმებისაგან გათავისუფლების უზრუნველყოფა, განსაკუთრებით არასახელმწიფო აქტორების (დე-ფაქტო მთავრობების) ჩართვის მიღწევა, ხოლო უფრო კონკრეტულად, აფხაზეთის, სამხრეთ ოსეთისა და მთიანი ყარაბაღის ხელისუფლების მიერ ქვეითსაწინააღმდეგო ნაღმების აკრძალვის მიღწევა.

•              ნაღმების აკრძალვის ხელშეკრულების საყოველთაო მოქმედების ხელშეწყობა მასთან სამხრეთ კავკასიის სახელმწიფოების – სომხეთის, აზერბაიჯანისა და საქართველოს – შეერთებით.

•              ნდობის დაფუძნების ძალისხმევასა და კონფლიქტის მხარეებს შორის მოლაპარაკების გააქტიურებაში წვლილის შეტანა.    

პროგრამით გათვალისწინებული საქმიანობა კონკრეტულად მოწოდებულია:

            დე-ფაქტო მთავრობებმა ხელი მოაწერონ ვალდებულებათა დეკლარაციას, რაც ნაღმსაწინააღმდეგო მოქმედების ახალი პროგრამების განხორციელების საშუალებას იძლევა და იმავდროულად მტკიცედ შეუწყოს ხელი ნაღმების აკრძალვის ხელშეკრულებასთან სამხრეთ კავკასიის სახელმწიფოთა შეერთებას;

            წვლილი შეიტანოს სამოქალაქო საზოგადოებისა და მთავრობების მიერ და ასევე საერთაშორისო საზოგადოების მიერ რეგიონში ნაღმებთან დაკავშირებული ადგილობრივი პრობლემების გათავისებასა და გათვითცნობიერების ამაღლებას;

            შექმნას მუდმივმოქმედი რეგიონული ფორუმი ქვეითსაწინააღმდეგო ნაღმების წინააღმდეგ თანამშრომლობის მიზნით, რათა ხელი შეუწყოს რეგიონის სტაბილურობას და ადამიანთა უსაფრთხოებას; 

2. დასაბუთება

სამ დე-ფაქტო ხელისუფლებას კონვენციებთან შეერთება არ შეუძლიათ, ნაღმების აკრძალვის ხელშეკრულების ჩათვლით, რამეთუ ისინი საერთაშორისო საზოგადოების მიერ აღიარებული არ არიან.  “ჟენევის მოწოდება”, ვალდებულებების აქტის სახით, გვთავაზობს მექანიზმს, რომლის მეშვეობითაც, ეს ერთეულები, სამართლებრივი უფლებების არქონის მიუხედავად, ნაღმების აკრძალვის ხელშეკრულებით დადგენილ ნორმებს დაექვემდებარებიან, რითაც ხელს შეუწყობენ მსოფლიოს ნაღმებისაგან გათავისუფლების პროცესს.

იმავდროულად, სამხრეთ კავკასიის სამი სახელმწიფო – საქართველო, Aაზერბაიჯანი და სომხეთი - კვლავ იმ მოსაზრებაზე რჩებიან, რომ ისინი მანამ ვერ შეუერთდებიან ნაღმების აკრძალვის ხელშეკრულებას, სანამ მათი კონფლიქტები ბოლომდე არ დარეგულირდება და მათი მეზობლებიც არ დაიცავენ ხელშეკრულებით დადგენილ ნორმებს. 

3. ღონისძიებები

ჟენევის მოწოდება ერთდროულად ორი სახის ღონისძიებათა განხორციელებას გეგმავს, სადაც ერთი სახის ღონისძიება დადებითად აისახება მეორეზე:

•              დე-ფაქტო ხელისუფლებათა ვალდებულებაა ხელი მოაწერონ აქტს ვალდებულებათა შესახებ, ან ვალდებულებათა რაიმე სხვა დეკლარაციას.

•              საზოგადოების მხარდაჭერა, რაც ითვალისწინებს სხვადასხვა ღონისძიებებს ვალდებულებათა განმტკიცების, ადგილობრივ დონეზე უფლებამოსილებათა ხელშეწყობის და სამოქალაქო საზოგადოებაში ნაღმების გამოყენების შესახებ ინფორმაციის გავრცელების მიზნით.  ყოველივე ამან რეგიონში ნაღმების აკრძალვის მხარდასაჭერად მამოძრავებელი ძალა უნდა წარმოქმნას, განსაკუთრებით დე-ფაქტო ხელისუფალთა შორის, ხოლო არაპირდაპირად – სახელმწიფოთა მხრიდანაც.   

კონკრეტული ღონისძიებები:

•              რეგიონული ფორუმი კონცენტრირებული იქნება საკითხზე – “ნაღმებისაგან თავისუფალი კავკასიისაკენ: სეპარატისტული რეგიონების ჩათვლით”.

•              12 სემინარი ნაღმების აკრძალვის პროცესში ადგილობრივ წარმომადგენელთა ჩართვის მიზნით; თითოეულ სეპარატისტულ რეგიონში მოეწყობა ოთხი სემინარი, სადაც პირველი სემინარი გათვალისწინებული იქნება